Oratastic

Latgalian for beginners – 8.1.2.

Latgalian for beginners / Latgalīšu volūda suociejim

8.1.2.

Latgaliski

Agneška izkuop nu autobusa Reigys storptautyskajā autoūstā. Jai juoteik da Rēzeknis, i jei brauks ar viļcīni “Reiga–Zylupe”. Jei nūpierk beletu elektroniski i atrūn eistū peronu.

Tikkū kai Agneška īkuop viļcīnī i īsakuortoj braucīņam, jei sajam viesti nu Gundegys:

– Vasala, Agneška! Miseja izpiļdeita – beleti iz koncertu ir nūpierkti! Es byušu kūpā ar sovim draugim Viktoru i Inaru. Piec koncerta varēsim dūtīs pagasteit pi Inarys bruoļa juo lauku sātā.

Agneška cīši prīcojās, ka satiks Gundegu i īsapazeis ar Viktoru i Inaru. Vēļ ari Odums ir Rēzeknē! Agneška nu sajiusmys navar mīreigi nūsēdēt i suoc runuot ar sūpluok sādūšū:

– Atlaidit, ceru, ka jiusu natrauceju, asu cīši prīceiga! – Agneška soka latgaliski. Jei pirmeit dzierdēja, ka jis runoj pa telefonu latgaliski.

– Nā, nicik natraucejat, – sūpluok sādūšais drupeit sirdeigi nūvalk. Nasaruoda, ka jis grib sasarunuot. Bet Agneška tuo namona.

– Ak, cik labi! Mani sauc Agneška. Kai sauc jius?

– Khem… loba dīna, mani sauc Juoņs.

– Vai jius braucat iz Rēzekni?

– Es braucu iz Zylupi…

Agneška, kū tuoļuok, tū vaira kreit sūpluok sādūšajam Juoņam iz nervu. Jis nav īrads sasarunuot ar svešinīkim sabīdryskajā transportā.

– Es gon braucu iz Rēzekni! Tī es satikšu sovus latvīšu-latgalīšu, amerikaņu i krīvu draugus. Mes vysi kūpā īsim iz Sovvaļnīka koncertu.

– Eistyn? Iz Sovvaļnīka koncertu? – Juoņs atsadzeivoj. – Maņ cīši pateik Sovvaļnīks! Kurei ir tova mīluokuo Sovvaļnīka dzīsme?

– Maņ pateik “Vysi vieji”.

– Ai, tei jau mīreiga, – soka Juoņs i atsvīž ar rūku. – Tai nav eistyna roka garšys. Pasaver lobuok itū, – jis soka i attaisa telefonā dzīsmis “Latgola” videoklipu.

English

At Riga International Coach Station, Agnieszka gets off the bus. She has to get to Rēzekne, and she’s going to get the Riga-Zilupe train. She buys a ticket electronically and finds the right platform.

As soon as Agnieszka has got on the train and settled in for the journey, she receives a message from Gundega.

‘Hi Agnieszka! Mission accomplished – we’ve bought tickets for the concert! I will be with my friends Viktor and Ināra. After the concert we can go and visit Ināra’s brother at his place in the country.’

Agnieszka is very pleased that she will see Gundega and meet Viktor and Ināra. What’s more, Odums is in Rēzekne too! Agnieszka is so delighted that she can’t sit quietly and starts to speak to the man sitting next to her.

‘Excuse me. I hope I’m not bothering you, but I’m very happy!’ Agnieszka says in Latgalian. She heard before that the man was speaking on the phone in Latgalian.

‘No, you’re not bothering me at all,’ the man grunts, a little morosely. It doesn’t seem like he wants to have a chat, but Agnieszka doesn’t notice.

‘Oh, that’s great! My name’s Agnieszka. What’s your name?’

‘Ahem, hello, my name’s Jānis.’

‘Are you going to Rēzekne?’

‘I’m going to Zilupe.’

Agnieszka is getting on her neighbour Jānis’s nerves more and more. He’s not used to chatting to strangers on public transport.

‘I am going to Rēzekne! I’m meeting my Latvian-Latgalian, American and Russian friends there. We’re all going to a Sovvaļnīks concert together.’

‘Really? To a Sovvaļnīks concert?’ Jānis comes to life. ‘I really like Sovvaļnīks! What’s your favourite Sovvaļnīks song?’

‘I like ‘Vysi Vieji’.’

‘Oh, that one‘s pretty soft,’ says Jānis, throwing up his hands. ‘It doesn’t have a real rock feel. Take a look at this one instead,’ he says, going to the video for ‘Lotgola’ on his phone.