Oratastic

Latgalian for beginners – 2.3.2.

Latgalian for beginners / Latgalīšu volūda suociejim

2.3.2.

Latgaliski

Gundega īnas krāslu Viktora darbneicā.

Gundega i Viktors īsapazeist. Viktors dūmoj, ka Gundega ir cīši pateikama dāma. Tod jī apsaver krāslu. Viktors apsūlej Gundegai, ka dreiži sagataveis dorbu sarokstu i pasaceis cenu.

Tai kai Gundega ir braukuse tuolu ceļu, Viktors jū pasauc gostūs pi seve. Gundega pīkreit, i jī īt iz Viktora sātu. Tī jūs gaida Viktora sīva Inara ar čaju i maizeitem.

– Inara, itys čajs ir cīši gords! – soka Gundega.

– Tei ir seņču recepte, – soka Inara i īt iz virtuvi. Jei dreiži ir atpakaļ i nūlīk iz golda īpakuojumu ar zuoļu čaju i burtneicu. – Muna baba poša taiseja čaja maisejumus. Receptis jei pīraksteja itamā burtneicā.

Gundega apsaver burtneicu. Juos lopys ir vacys i dzaltonys, bet rūkroksts ir šmuks.

– Eistyn breineigi!

– Inarys saimei pateik kūpt seņču tradicejis, – soka Viktors. – Storp cytu, juos saimei ir ari interesanta viesture. Ūtruo pasauļa kara laikā Inarys babys bruoļs Jākubs emigrēja, bet juo muosa Mareja palyka Rēzeknē sagaideit sova veira. Juos veirs vēļ nabeja atsagrīzs sātā nu ceiņu. Bruoļs ar saimi devēs iz Rītumim. Mareja gaideja viestulis, bet nivīnys nasajēme.

– Es grybātu zynuot, kas ar jim nūtyka, – soka Inara, – bet nikur nav informacejis par jim.

– Eistyn koč kur jau ir! – īsasauc Gundega. – Eistuos lītys myus vysod atrūn – taipat kai es atrodu Viktora darbneicys sludynuojumu!

Vysi treis smejās.

English

Gundega gets out of the taxi and carries the chair into Viktor’s workshop.

Gundega and Viktor make small talk. Viktor thinks that Gundega is a very nice lady. Then they take a look at the chair. Viktor promises Gundega that he will soon make a list of the work to be done and give her a quote.

As Gundega has travelled a long way, Viktor invites her to his house. Gundega agrees, and they go to Viktor’s house. Viktor’s wife Ināra is waiting for them with tea and sandwiches.

‘Ināra, this tea is very good!’ says Gundega.

‘It’s an old family recipe,’ says Ināra, and goes to the kitchen. She quickly returns and puts a package of green tea and an exercise book on the table. ‘My grandmother made tea blends herself. She wrote down the recipes in this exercise book.’

Gundega takes a look at the exercise book. Its pages are old and yellow, but the handwriting is beautiful.

‘That’s really wonderful!’

‘Ināra’s family like to preserve their old traditions,’ Viktor says. ‘By the way, Ināra’s family has an interesting history too. During World War II, Ināra’s grandmother’s brother Jēkabs emigrated, but her sister Marija stayed in Rēzekne to wait for her husband. Her husband had still not returned home from the war. Her brother went to the West with his family. Marija waited for a letter, but she didn’t receive one.’

‘I would like to know what happened to them,’ says Ināra. ‘But there’s no information anywhere about them.’

‘There definitely will be somewhere!’ Gundega exclaims. ‘The right things always find us – just like I found Viktor’s advertisement!’

All three of them laugh.