Oratastic

Latgalian for beginners – 7.1.2.

Latgalian for beginners / Latgalīšu volūda suociejim

7.1.2.

Latgaliski

Gundega ir pīkususe nu daudzūs vaicuojumu policejis īcierknī. Kod jei atroda vacū, saplāstū krāslu, jei nadūmuoja, ka jai byus napatikšonys. Ir jau gondreiž vokors: vysa dīna ir puorguojuse satraukumā i bailēs. Kabinetā īīt vysi treis inspektori i atnas ari krāslu.

– Lyudzu, varit sajimt tū atpakaļ, – soka golvonais inspektors Graudeņš. – Itys nav eistais krāslys, koč i ir tam cīši leidzeigs.

– Cik labi, – Gundega atvīgluota nūsapyuš. Jei nimoz nagribēja palikt par nūzīdzneicu.

– Inspektori Buļš i Ludbuoržs jius nūvess atpakaļ, – golvonais inspektors Graudeņš vys vēļ dryumi soka. – Paļdis par pacīteibu!

Jis izlīk capuri i izīt nu ustobys.

Gundega policejis mašynā atsagrīž Viktora sātā.

– Tys beja brīsmeigi, – Gundega soka Viktoram i Inarai.

Inara sataisa Gundegai čaju, i jī vysi sēd ap goldu i mīrynoj Gundegu.

– Tok beidzūt maņ ir tai vīgli ap sirdi. Tys beja satraukuma pylns, baileigs pīdzeivuojums. Īcierknis beja tik dryums!

– Labi, ka vyss ir beidzīs, – Inara nūsapyuš.

– Dzie, kaids sovvaļnīks krāslys, – soka Viktors – Jam pateik pīdzeivuojumi!

English

Gundega is tired from all the questioning at the police station. When she found the old torn chair, she didn’t think it would cause her trouble. It’s already almost evening: the whole day has gone by in a state of alarm and fear. Into the room come all three inspectors, bringing with them the chair.

‘Here you are, you can have it back,’ says Chief Inspector Graudiņš. ‘This isn’t the right chair, although it’s very similar.’

‘How good it is to hear that,’ Gundega sighs in relief. She doesn’t at all want to get a criminal record.

‘Inspector Buļš and Inspector Ludboržs will take you back,’ Chief Inspector Graudiņš says, still in a grim tone. ‘Thank you for your patience!’

He puts on his hat and goes out of the room.

Gundega goes back to Viktor’s house in a police car.

‘It was terrible,’ Gundega says to Viktor and Ināra.

Ināra makes Gundega tea, and they all sit around a table and comfort Gundega.

‘But now, at last I feel relieved. It was a horrible, anxiety-filled experience. The police station was so grim!’

‘It’s good that it’s all over,’ Ināra says, sighing in relief.

‘Well, what a naughty chair,’ says Viktor. ‘It likes adventures!’