Oratastic

Latgalian for beginners – 2.2.2.

Latgalian for beginners / Latgalīšu volūda suociejim

2.2.2.

Vacais krāslys / The old chair

Latgaliski

Gundegys veirs Arnolds beja mebeļu restaurators. Piec juo nuovis Gundega juo dorba reikus i darbneicys lītys iznese iz ustobys viersa. Niu jei grib jūs sakuortuot. Jei pajam slūtu i iudiņa spani i izkuop iz ustobys viersa. Jei suoc teireit ustobys viersu.

Ustobys viersā jei atrūn elegantu krāslu. Tys dīvamžāļ ir sapleiss, i vīna krāsla kuoja ir sastreipuota. Gundegai ir ideja! Jei nūnas krāslu nu ustobys viersa i attaisa datoru. Jei meklej mebeļu restauratorus. Vīna interneta vītne izaver cīši profesionala, i jei pīzvona.

  • Loba dīna, Viktors klausuos!

  • Loba dīna! Mani sauc Gundega. Es atrodu iz ustobys viersa vacu krāslu, grybātu jū atjaunuot. Sokit, cik tys varātu moksuot?

  • Es pyrma grybu krāslu redzēt. Kod jius varātu tū pi myusu atnest?

  • Sevkurā laikā! Sokit, kod jums ārtuok!

  • Lyudzu, atejit trešdiņ!

  • Labi, es byušu! Voi varit, lyudzu, pasaceit adresi?

  • Kumeleišu ī-…

  • Atlaidit, kur ir Kumeleišu īla? Pyrmū reizi par taidu dzieržu!

Gundega ir puorsteigta. Jei dzeivoj Reigā vysu myužu, bet taidys īlys nazyna.

  • Ar kuru sabīdryskū transportu es varātu iz tīni nūbraukt nu Teikys?

Viktors īsasmej.

  • Gundega, mes struodojam Daugovpilī.
  • Ak, Daugovpilī? Ot, kaids breinums! Nikod naasu tī bejuse. Pasokit precizu adresi, trešdiņ byušu!
English

Gundega’s husband Arnolds was a furniture restorer. After his death, Gundega carried his tools and the things from his workshop up to the attic. Now she wants to sort them out. She takes a broom and a bucket of water and climbs up to the attic. She starts to clean the attic.

In the attic she finds an elegant chair. Unfortunately, it’s torn and damaged and one of the chair’s legs has been scratched. Gundega has an idea! She carries the chair down from the attic to the room below and opens her laptop. She looks for a furniture restorer. One website looks very professional, so she makes a call.

  • Hello, Viktor speaking!
  • Hello! My name is Gundega. I found an old chair in the attic, and I would like it to be restored. Could you tell me how much that would cost?
  • To start with, I’d like to see the chair. When would you be able to bring it to us?
  • Anytime! Just tell me when is most convenient for you.
  • Please come on Wednesday then.
  • OK, I’ll be there! Please could you tell me the address?
  • Kumelīšu Str…
  • I’m sorry, but where is Kumelīšu Street? This is the first time I’ve heard of it.

Gundega is surprised. She’s lived in Riga all her life but doesn’t know that street.

  • How can I get there from Teika by public transport?

Viktor laughs.

  • Gundega, we are based in Daugavpils.
  • Oh, Daugavpils? Well, how extraordinary! I’ve never been there. Please tell me the full address and I’ll be there on Wednesday!

Vysys nūdalis / All chapters