Oratastic

Latgalian for beginners – 1.2.2.

Latgalian for beginners / Latgalīšu volūda suociejim

1.2.2.

Latgaliski

Agneška ir universitatē. Jai ir breivs laiks. Kursabīdri īt iz biblioteku vuiceitūs, partū ka iz cytys nedelis byus eksamens. Bet Agneška nagrib niu vuiceitīs. Eksamens tok ir tikai jaunnedeļ! Jei nūīt iz studentu atpyutys ustobu i atsasāst meikstā siežammaisā. Jei austeņuos klausuos muzyku, bet jai palīk gars laiks. Tod Agneška attaisa īsapazeišonys aplikaceju i skrollej cauri profilim. Varbyut byus koč kas interesants? Dīvamžāļ vysi profili ir garlaiceigi. Tikai vīns jai pateik – profils bez fotografejis. Lītuotuoja sagvuords ir @Tigrys.

“Loba dīna! Latgalīts nu Teksasys, kurs zyna, kas garšoj tigrim. Storp cytu, es Teksasā nivīna cyta latgalīša napazeistu – muna babeņa nasaskaita. Maņ pateik viestuļu draugi. Laikā, kod itū skaiti, es drūši viņ guļu, deļtuo vari maņ drūši nūvēlēt lobys nakts.”

Agneška īsasmej. Jei suoc raksteit ziņu:

  • Palic vasals i lobys Tev nakts! Mani sauc Agneška, asu nu Pūlejis, maņ ari pateik viestuļu draugi. Eipaši deļtuo, ka viestulis var dreiži ceļuot nu Pūlejis caur Latgolu iz Teksasu! 😉
  • P. S. Kas tod garšoj tigrim?
  • Lobs vokors!
  • Mani sauc Odums. Prīcojūs īsapazeit! Niule ir cīši vāls, deļtuo es tev atsaceišu reit. Iz sasaredziešonu!

Agneška pasmaida. Jai pateik, ka Odums roksta nūpītni. Varbyut jis nimoz cytaiži namuok?

  • P. S. Maņ ruodīs, es sajauču i maņ vajadzēja saceit na “iz sasaredziešonu”, bet gon “palic vasala”.
  • P. P. S. Tigrim garšoj rūkys.

“Kaidys vēļ rūkys,” nūdūmoj Agneška, cikom jai austeņuos skaņ: “Tańczę polskie tango // Nogi w błocie mam, bo Wisła to grząskie bagno…” Bet jei smaida.

English

Agnieszka is at university and has an hour free. Her coursemates go to the library to study, because there will be an exam next week. But Agnieszka doesn’t want to study right now – the exam isn’t until next week, after all! She goes to the student common room and sits down on a beanbag. She listens to music on headphones but starts to feel bored. Agnieszka opens the dating app and scrolls through the profiles. Maybe there will be someone interesting? Unfortunately, all the profiles she looks at are boring. There’s only one that she likes – a profile without a photograph. The username is @Tigrys.

”Hello! Latgalian from Texas, who knows what tigers like to eat. By the way, I don’t know a single other Latgalian in Texas – my grandmother doesn’t count. I like penpals. When you read this, I will most likely be asleep, so you can wish me good night.”

Agnieszka laughs. She starts to write a message:

  • Hi and goodnight! My name is Agnieszka, I’m from Poland, I also like penpals. Especially because letters can travel fast from Poland through Latgale to Texas! 😉
  • P.S. What do tigers like to eat?
  • Good evening !
  • My name is Odums. Nice to meet you! It’s very late, so I’ll reply in the morning. Goodbye!

Agnieszka smiles. She likes that Odums writes seriously. Perhaps he doesn’t know any other way.

  • P.S. I guess I got mixed up, and I should have written not “goodbye”, but “see you”.
  • P.P.S. Tigers like to eat hands.

“What kind of hands?” Agnieszka thinks to herself, while in her headphones plays “Tańczę polskie tango // Nogi w błocie mam, bo Wisła to grząskie bagno…” But she smiles.