Īsapazeišonys aplikacejis sasatikšonys! Klausīs tūs nūslāguma dialogus i atzeimoj, voi cylvāki: a) tiksīs itamā nedeļā; b) varbyut tiksīs koč kod nuokūtnē; c) nikaidā gadīnī nagrib vīns ūtra vaira redzēt.

Pyrmais dialogs

• Labi, es niu braukšu iz sātu. Prīca beja īsapazeit.
• Labi, beja normals vokors. Varbyut vēļ kaidu reizi sasatiksim?
• Redzēsim. Sasazvaneisim!
• Atā!
• Vysu lobu!

Ūtrais dialogs

• Eistyn nasaprūtu, kai var napatikt ceļuot? Tei tok ir atpyuta nu kasdīnys dorbu!
• Bet es eistyn nasaprūtu, kai var patikt ceļuot! Maņ iz vysa lobuok pateik byut sovā sātā i gulēt sovā gultā. I vysa tei braukšona ar autobusim i liduošona ar lidmašynom! A ka avareja nūtiks!
• Bet ceļuošona ir īspieja īpazeit cytys vaļsts i kulturys!
• Tū var dareit ar dokumentalajom kinom pa televizoru.
• Labi, saprūtu tovu vīdūkli. Tys ir interesants. [pauze] Oi, maņ tikkū atraksteja muosa, ka jai vajag paleidzēt! Es tod skrīšu,
• Nui, maņ ari jau laiks īt iz sātu,
• Atā!
• Palic vasals!

Trešais dialogs

• Nui, maņ ari cīši pateik hokejs! Tei čempionata spēle ar Kanadu.
• …nui, tei beja supereiga! Žāļ, ka nabeju hallē, bet vierūs pa televizoru.
• Maņ ir beleti iz pareitdīnys spēli!
• Maņ ari!
• Tod īmam kūpā?
• Zynoms! Vāluok sarunuosim, kur sasateikam.
• Labi!